Whats new

भारताची कॉफी निर्यात वर्ष २०१४ -२०१५ मध्ये घटली

coffee

भारताची कॉफी निर्यात विपणन वर्ष २०१४ -२०१५ मध्ये किरकोळ घट होऊन ३,००,५२२ टन झाली, असे कॉफी बोर्डने सांगितले. निर्यात घटण्यास जागतिक पातळीवर कॉफीच्या कमी झालेल्या किमतीचाही समावेश आहे.

ऑक्टोबर ते सप्टेंबर असे विपणन वर्ष असते. २०१३-२०१४ मध्ये ही निर्यात ३,०३,२५० टनांची होती. कॉफी बोर्डच्या वरिष्ठ अधिकाऱ्याने सांगितले की, आकडेवारीचा विचार केला तर ही निर्यात फारच कमी घटली आहे. विपणन वर्ष २०१४-२०१५ मध्ये किमतीच्या संदर्भात निर्यात वाढून ५,१४२ कोटी रुपयांची झाली. ती गेल्यावर्षी ४,९२० कोटी रुपयांची होती. जागतिक पातळीवर कॉफीच्या किमतीतील चढ-उतार व ब्राझील, इंडोनेशिया, व्हिएतनामसारख्या अनेक देशांत अमेरिकन डॉलरच्या तुलनेत त्यांच्या चलनाचे अवमूल्यन झाल्यामुळे त्याचा विपरीत परिणाम व्यापारावर झाला. अमेरिकन डॉलरच्या तुलनेत भारतीय रुपयाचेही मूल्य घसरल्यामुळे भारताची कॉफी निर्यात कमी झाली.